Սուրբ Պատարագ ու հոգեհանգստյան կարգ Բուխարեստում Հրանտ Դինքի սպանության տարելիցի, Բաքվի ջարդերին զոհ գնացած հայերի, ինչպես նաև օրեր առաջ հրդեհից զոհված 15 հայ զինծառայողների հոգիների խաղաղության ու հանգստության համար

22 հունվարի, 2023

Հունվարի 22-ին Ռումինիայում Հայաստանի Հանրապետության դեսպան Սերգեյ Մինասյանն ու դեսպանության անձնակազմը Բուխարեստի Սրբոց Հրեշտակապետաց Միքայել և Գաբրիել առաջնորդանիստ տաճարում մասնակցեցին Ռումանիայի հայոց թեմի առաջնորդ, Բուլղարիայի հայոց թեմի առաջնորդական տեղապահ, Բալկանյան երկրների Հայրապետական պատվիրակ գերշ. Տ. Տաթև եպս. Հակոբյանի հանդիսապետությամբ, Տեր Օշական քահանա Խաչատրյանի կողմից մատուցված Սուրբ Պատարագին, որից հետո անցկացվեց հոգեհանգստյան արարողություն՝ «Ակօս» թերթի գլխավոր խմբագիր, պոլսահայ երևելի մտավորական Հրանտ Դինքի սպանության 16-րդ տարելիցի և Բաքվի ջարդերին զոհ գնացած ավելի քան չորս հարյուր հայերի, ինչպես նաև օրեր առաջ հրդեհից զոհված 15 հայ զինծառայողների հոգիների խաղաղության ու հանգստության համար:

Միջոցառմանը ներկա էին նաև Ռումինիայի հայոց միության նախագահ Վարուժան Ոսկանյանը և ռումինահայ համայնքի ներկայացուցիչներ:

Ավարտին ներկաները եկեղեցու բակում գտնվող Հայոց Ցեղասպանության նահատակներին նվիրված խաչքարի մոտ զետեղեցին ծաղկեպսակներ և խոնարհեցին ծաղիկներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր