Հերոսների տոնի և Տիրոջ Համբարձման օրվա առթիվ միջոցառումներ Բուխարեստում

02 հունիսի, 2022

Հունիսի 2–ին՝ Ռումինիայում նշվող հերոսների օրվա ու Համբարձման տոնի կապակցությամբ, Ռումինիայում ՀՀ արտակարգ և լիազոր դեսպան Սերգեյ Մինասյանը մասնակցեց Ռումանիայի հայոց թեմի առաջնորդ, Բուլղարիայի հայոց թեմի առաջնորդական տեղապահ գերշ. Տ. Տաթև եպիսկոպոս Հակոբյանի հանդիսապետությամբ Բուխարեստի հայկական գերեզմանատանը մատուցված սուրբ պատարագին՝ նվիրված երկու համաշխարհային պատերազմների ժամանակ զոհված հայ հերոսների, ինչպես նաև Հայրենիքի ազատության համար իրենց կյանքը չխնայած քաջարի հայ զինվորների հիշատակին։

Պատարագից հետո տեղի ունեցավ հոգեհանգստյան արարողություն, ինչին հաջորդեց առաջին և երկրորդ աշխարհամարտերին մասնակից, նաև Ռումինիայից Սիբիր աքսորված հայորդիներին նվիրված հուշարձանի առջև ծաղկեպսակների զետեղման արարողոթյունը։

Միջոցառումներին մասնակցում էին նաև Ռումինիայի Հայոց միության նախագահ Վարուժան Ոսկանյանն ու քահանայաց դասի և ռումինահայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր