Բուխարեստի Սրբոց Հրեշտակապետաց Միքայել և Գաբրիել տաճարում մատուցվել է Սուրբ Պատարագ Հայաստանի Առաջին Հանրապետության օրվա առիթով

29 մայիսի, 2022

Մայիս 29-ին Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանն ու դեսպանության ողջ անձնակազմը մասնակցեցին Բուխարեստի Սրբոց Հրեշտակապետաց Միքայել և Գաբրիել տաճարում Հայաստանի Առաջին Հանրապետության օրվա առթիվ Ռումինիայի Հայոց թեմի առաջնորդ, Բուլղարիայի Հայոց թեմի առաջնորդական տեղապահ Տ․ Տաթև եպիսկոպոս Հակոբյանի հանդիսապետությամբ մատուցված Սուրբ Պատարագին:

Պատարագի ավարտից հետո մասնակիցները ծաղիկներ խոնարհեցին և ծաղկեպսակներ զետեղեցին Մայր տաճարի բակում գտնվող հայ ժողովրդի ազգային հերոս Անդրանիկ Օզանյանի կիսանդրու առջև, որը կանգնեցվել է 1936թ. և համարվում է Զորավարին նվիրված աշխարհում առաջին հուշարձաններից մեկը:

Ավարտին Առաջնորդարանի հովանու ներքո գործող «Լույս» մանկական ակումբի սաներն ու երեցկին Արմինե Խաչատրյանի ղեկավարած երգչախումբը հանդես եկան գեղարվեստական հայտագրով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր