Բուխարեստում անցկացված Ֆրանկոֆոն երկրների բարձրագույն կրթության և գիտական հետազոտությունների նախարարների համաժողով

24 սեպտեմբերի, 2021

Սեպտեմբերի 21-ից 24-ը Ռումինիայի Բուխարեստ քաղաքում անցկացվում է Ֆրանկոֆոն երկրների բարձրագույն կրթության և գիտական հետազոտությունների նախարարների համաժողովը, որտեղ Հայաuտանը ներկայացնում են ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը և Ռումինիայում ՀՀ դեսպան Սերգեյ Մինասյանը:

Սեպտեմբերի 21-ին՝ Համաժողովի հանդիսավոր բացման արարողության ժամանակ, միջոցառման վարող Բուխարեստի Պոլիտեխնիկական հանալսարանի ռեկտոր Միհնա Կոստոյուն ջերմորեն շնորհավորեց բարեկամ հայ ժողովրդին Հայաստանի Անկախության օրվա առթիվ՝ մաղթելով առաջընթաց ու խաղաղություն:

ՀՀ ԿԳՄՍ նախարարի տեղակալ Արթուր Մարտիրոսյանն իր ելույթում ընդգծել է, որ կրթության և գիտության ոլորտում այս մակարդակի համագործակցությունը դիտարկվում է որպես տնտեսության բարձրացման ամենաարդյունավետ ուղի, որը հարթելու է երկրների միջև քաղաքական և տնտեսական հակասությունները և դրանք դուրս է բերելու փոխշահավետ համագործակցության նոր սահմանների: Փոխնախարարի հավաստմամբ՝ Հայաստանի Հանրապետությունը հավատարիմ է Ֆրանկոֆոնիայի առաջնային առաքելությանը և մշտապես պատրաստակամ է կրթության և գիտության բնագավառներում համագործակցության ծրագրերի մշակմանն ու իրականացմանը։

«Նշեմ, որ Հայաստանը, հանդիսանալով նաև Կենտրոնական և Արևելյան Եվրոպայում ֆրանկոֆոն տարածաշրջանային կենտրոնի (CREFECO) անդամ երկիր, ակտիվ համագործակցում է նաև ֆրանսերենի ուսուցիչների ազգային կամ տարածաշրջանային մակարդակով վերապատրաստման գործընթացին՝ ուղղված ֆրանսերենի ուսուցման և ֆրանսերենով ուսուցանվող ոչ լեզվաբանական առարկաների բարելավմանը»,- ասել է Ա. Մարտիրոսյանը։

Համաժողովի շրջանակներում տեղի ունեցավ նաև ֆրանկոֆոնիայի գիտական նստաշրջանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր