Ռումինիայում ՀՀ դեսպան Սերգեյ Մինասյանը և դեսպանության անձնակազմը մասնակցեցին Բուխարեստի առաջնորդանիստ Միքայել և Գաբրիել Սուրբ Հրեշտակապետաց եկեղեցում տեղի ունեցած միջոցառմանը՝ նվիրված Հայաստանի առաջին Հանրապետության հռչակման 103-րդ տարեդարձին:

30 մայիսի, 2021

Մայիսի 30-ին Ռումինիայիում ՀՀ դեսպան Սերգեյ Մինասյանը և դեսպանության անձնակազմը մասնակցեցին Բուխարեստի առաջնորդանիստ Միքայել և Գաբրիել Սուրբ Հրեշտակապետաց եկեղեցում տեղի ունեցած միջոցառմանը՝ նվիրված Հայաստանի առաջին Հանրապետության հռչակման 103-րդ տարեդարձին:

Միջոցառմանը մասնակցում էին նաև Ռումինիայի հայերի միության Տնօրենների կոմիտեի անդամ Գարաբեթ Հաչիատուրյանը, ռումինահայ համայնքի և հոգևոր դասի ներկայացուցիչներ։

Ռումինիայի Հայոց թեմի առաջնորդ, Բուլղարիայի հայոց թեմի առաջնորդական տեղապահ գերշ. Տ. Տաթև եպիսկոպոս Հակոբյանի հանդիսապետությամբ մատուցվեց Սուրբ Պատարագ և կատարվեց Հանրապետական մաղթանք, ինչից հետո ներկաները ծաղկեպսակներ զետեղեցին ու ծաղիկներ խոնարհեցին եկեղեցու բակում գտնվող Զորավար Անդրանիկի կիսանդրու առջև` (կանգնեցվել է 1936թ. և համարվում է Զորավարին նվիրված աշխարհում առաջին հուշարձաններից մեկը) իրենց խոնարհումը հայտնելով մայիսյան հերոսամարտերի նահատակներին:

Հաջորդիվ ներկաներն ունկնդրեցին Առաջնորդարանի հովանու ներքո գործող «Լույս» մանկական ակումբի սաների կատարմամբ ՀՀ պետական օրհներգը, օրվա իմաստը խորհրդանշող երգեր և բանաստեղծություններ, ինչպես նաև ակնդրեցին Ռումինիայի հայոց միության կողմից պատրաստված և եկեղեցու ցանկապատի վրա փակցված տեղեկատվական պաստառները՝ նվիրված մայիսյան հերոսամարտերի և առաջին Հանրապետության պատմությանը:

Միջոցառման մասնակիցներին բաժանվեց նաև Սերժ Աֆանասյանի «Սարդարապատի հաղթանակը» գրքի ռումիներեն վերահրատարակված տարբերակը (թարգմանիչ՝ Թագուհի Սարգսյան, «Ararat» հրատարակչություն):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր