Ռումինիայում ՀՀ դեսպան Սերգեյ Մինասյանը հանդիպեց Ռումինայի Պատգամավորների պալատի պատգամավոր Դան Քրիստիան-Պոպեսկուին/Dan-Cristian Popescu

24 մարտի, 2021

Մարտի 24-ին Ռումինիայում ՀՀ դեսպան Սերգեյ Մինասյանը հանդիպեց Ռումինայի Պատգամավորների պալատի պատգամավոր Դան Քրիստիան-Պոպեսկուին/Dan-Cristian Popescu:

Զրուցակիցները քննարկեցին ինչպես միջխորհրդարանական համագործակցության, այնպես էլ Ռումինիայում հայկական համայնքի գործունեության հետ կապված հարցերի լայն շրջանակ: Պրն Պոպեսկուն, ով նախկինում բարձր պաշտոններ էր գրավել Բուխարեստի 2-րդ սեկտորի (գտնվում են հայկական թաղամասն ու Հայկական փողոցը, Սբ․ Հրեշտակապետեր Միքայել և Գաբրիել առաջնորդանիստ տաճարը) համայնքապետարանում, կիսվեց հայ համայնքի ու եկեղեցու ներկայացուցիչների հետ իր ունեցած շփումների դրական տպավորություններով:

Հանդիպմանը քննարկվեցին նաև Ռումինիայում հայկական պատմական ժառանգության պահպանությանը, ինչպես նաև Հայաստանի Հանրապետության ու Ռումինիայի միջև դիվանագիտական հարաբերությունների հաստատման 30-ամյակի կապակցությամբ կազմակերպվելիք միջոցառումներին վերաբերող մի շարք հարցեր:

Կարծիքներ փոխանակվեցին տարածաշրջանային քաղաքականության վերաբերյալ: Դեսպանը պատգամավորին ներկայացրեց ներկայիս իրավիճակը Հարավային Կովկասում, մասնավորապես, անցյալ տարվա աշնանը Արցախի դեմ Թուրքիայի աջակցությամբ Ադրբեջանի նախաձեռնած ռազմական գործողությունները, դրանց քաղաքական հետևանքներն ու ստեղծված հումանիտար ճգնաժամը:

Կողմերը քննարկեցին նաև մշակութային, հումանիտար ու տնտեսական հարաբերությունների հետագա զարգացմանն ու խորացման հնարավորություններին վերաբերող հարցերի լայն շրջանակ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր