Դեսպան Մինասյանը հանդիպել է Ռումինիայի մարդու իրավունքների պաշտպան Ռենատե Վեբերին

02 դեկտեմբերի, 2020

Դեկտեմբերի 2-ին Ռումինիայում Հայաստանի Հանրապետության դեսպան Սերգեյ Մինասյանը հանդիպեց Ռումինիայի մարդու իրավունքների պաշտպան Ռենատե Վեբերին։

Դեսպան Մինասյանը ներկայացրեց 2020թ. աշնանը Արցախի դեմ ադրբեջանական ագրեսիայի ընթացքում իրականացված մարդու իրավունքների խախտումները և Ադրբեջանի պատերազմական հանցագործությունները՝ փոխանցելով Արցախի և Հայաստանի մարդու իրավունքների պաշտպանների գրասենյակների զեկույցները։ Դեսպան Մինասյանը մասնավորապես ընդգծեց Ադրբեջանի կողմից քաղաքացիական բնակավայրերի անխտիր ռմբակոծումները և քաղաքացիական ենթակառուցվածքների թիրախավորումը, որոնք հանգեցրել են զոհերի նաև քաղաքացիական անձանց շրջանակներում, հայ զինվորների և գերեվարված անձանց, այդ թվում՝ մահացածների հանդեպ ադրբեջանական բանակի ներկայացուցիչների անմարդկային վերաբերմունքը, հայկական պատմամշակութային և կրոնական կոթողների հանդեպ իրականացված վայրագությունները, Թուրքիայի կողմից վարձկան ահաբեկիչների ներգրավման հանգամանքը։

ՀՀ դեսպանը Ռումինիայի մարդու իրավունքների պաշտպանին խնդրեց զրույցի ընթացքում քննարկված խնդիրները, այդ թվում ռազմագերիների վերադարձի հարցը պահել իր ուշադրության կետրոնում։ Տիկին Վեբերը, քննադատելով մարդու իրավունքների խախտումների դեպքերը, խոստացավ ուշադրություն դարձնել արծարծված խնդիրներին իր հետագա գործունեության ընթացքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր