Ռումինահայերը շարունակում են իրենց աջակցությունը բերել Արցախին և Հայաստանին

25 հոկտեմբերի, 2020

Թուրքիայի աջակցությամբ և միջազգային ահաբեկիչների ներգրավմամբ Արցախի նկատմամբ սեպտեմբերի 27-ին Ադրբեջանի սանձազերծած ագրեսիայի առաջին օրերից ի վեր ռումինահայ համայնքը բոլորակերպ իր աջակցությունն է ցուցաբերում պատմական Հայրենիքին:

Համայնքային կառույցների և անհատների նախաձեռնությամբ նվիրատվություններ են հանգանակվում «Հայաստան» համահայկական և «Զինծառայողների ապահովագրության» հիմնադրամներին, ինչպես նաև կազմակերպվում են տարաբնույթ նախաձեռնություններ՝ բողոքի ակցիաներից ու հիշատակի միջոցառումներից մինչև հումանիտար օգնության տրամադրում:

Ամենահուզիչը ռումինահայ երեխաների ու երիտասարդների խորհրդանշական նախաձեռնությունն է՝ նվիրատվություններ հանգանակելու նպատակով՝ աղոթքի գլխաշորերը հայկական զարդանկարներով նախշազարդումը։

Ռումինահայոց միության ու Ռումինահայոց թեմի, ինչպես նաև առանձին անհատների ջանքերով Ռումինիայի հասարակական և պետական կառույցներին ու ինստիտուտներին տրամադրվում է իրավիճակը լուսաբանող տեղեկատվություն, կատարվում է պատշաճ իրազեկում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր