Հարգիտայի նահանգապետ Բորբոյ Չաբայի խոսքը

11 հոկտեմբերի, 2020

Հոկտեմբերի 11-ին Ռումինիայի Հարգիտա նահանգի Գեորգեն քաղաքում տեղի ունեցած միջոցառման ժամանակ Հարգիտայի նահանգապետ Բորբոյ Չաբան իր ելույթում, մասնավորապես, նշել է.

«Մենք պետք է վստահ նայենք առաջիկա չորս տարիներին, մեզ համար կարևոր է հանդիպել, պահպանել մեր ավանդույթները և ապավինել միմյանց: Համոզված եմ, որ քաղաքի նոր ղեկավարության շնորհիվ մեր հարաբերությունները միայն կամրապնդվեն: Այս օրերին, Ադրբեջանի հետ հակամարտության պատճառով, Հայաստանը ծանր ժամանակներ է ապրում: Կարևոր է մեր համերաշխությունը ցուցաբերել Հարգիտա նահանգի քույր շրջանին՝ հայկական Լոռու մարզին: Եվ հաջորդ չորս տարիներին Լոռու մարզը կարող է ապավինել մեր աջակցությանը: Կարևոր է հիշել, որ քույրացման հարաբերությունները երկու կողմերին էլ տալիս են նոր հնարավորություններ, աջակցություն, այդ հարաբերությունները դրական արդյունք ունեն, և այդպես կլինի առաջիկա չորս տարիներին ևս:

Քույրացման հարաբերությունները սկսվել են 2017թ., երբ Հարգիտա շրջանի խորհուրդը Գեորգենիում նախաստորագրվեց Լոռու հետ քույր շրջան դառնալու պայմանագիրը: 2019թ. սեպտեմբերի 27-ին Վանաձորում (Հայաստան) ստորագրվեց քույր քաղաքների մասին պայմանագիրը: Անցյալ տարվա հանդիպումների ընթացքում քննարկվել են համագործակցության հնարավորությունները՝ ներառյալ կրթական հաստատությունների համագործակցությունը, երեխաների և երիտասարդների ճամբարների կազմակերպումը, սննդագիտությունը, բիզնես խորհրդատվությունը, տնտեսական և առևտրային համագործակցությունը և, վերջապես, ոչ պակաս կարևորություն ունեցող մշակույթի ոլորտում համագործակցությունը»:

Նահանգապետ Բորբոյը նույնաբովանդակ աջակցության նամակ է հղել նաև իր գործընկերոջը՝ Լոռու մարզպետ Անդրեյ Ղուկասյանին:

https://www.borbolycsaba.ro/ro/intalnirea-comunitatii-armene-la-gheorgheni/?fbclid=IwAR15B1PfCxb2bp6M1gEAAKHLePB-w9WwXf6XVEGkcH5KyntY9lCRGL_p_u0

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր