Ռումինիայում ՀՀ դեսպան Սերգեյ Մինասյանը հանդիպեց Ռումինիայի Կլուժ-Նապոկա քաղաքի Բաբեշ-Բոյայի համալսարանի ռեկտոր դոկտոր Դանիել Դեյվիդին

23 սեպտեմբերի, 2020

Սեպտեմբերի 23-ին Ռումինիայում ՀՀ դեսպան Սերգեյ Մինասյանը հանդիպեց Ռումինիայի Կլուժ-Նապոկա քաղաքի Բաբեշ-Բոյայի համալսարանի ռեկտոր դոկտոր Դանիել Դեյվիդին: Հանդիպմանը մասնակցեցին նաև համալսարանի պրոռեկտոր դոկտոր Կորին Բրագան, Կլուժ Նապոկայի համալսարանի Հայագիտության ինստիտուտի տնօրեն պրն. Թուդոր Սըլըջեանը և նրա տեղակալ Կարեն Շեբեշին:

Հանդիպման ընթացքում քննարկվեցին Բաբեշ-Բոյայի համալսարանի և Հայաստանի Հանրապետության ԲՈՒՀ-երի միջև համագործակցության բազմաբնույթ հնարավորությունները՝ հատուկ ուշադրություն դարձնելով հայագիտության ինստիտուտի աշխատանքների ակտիվացմանը:

Հանդիպման ավարտից հետո զրուցակիցները այցելեցին Կլուժ Նապոկայի համալսարանի Հայագիտության ինստիտուտի նոր կենտրոնակայան՝ մասնակցելու բացման հանդիսավոր արարողությանը:

Դեսպան Մինասյանը Հայագիտության ինստիտուտի գրադարանին նվիրեց Տրանսիլվանիայի հայերի պատմությանը, Հայոց պատմությանը և քաղաքականությանը վերաբերող մասնագիտական գրականություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր