Ռումինիայում ՀՀ դեսպանության հուլիսի 17-ի մամլո հաղորդագրությունն ի պատասխան հուլիսի 16-ին Ռումինիայում Ադրբեջանի դեսպանության տարածած մամլո հաղորդագրության

17 հուլիսի, 2020

Ռումինիայում Հայաստանի Հանրապետության դեսպանությունը զարմանքով ծանոթացավ հուլիսի 16-ին AGERPRES գործակալության BUSINESS OTS բաժնում հրապարակված Ռումինիայում Ադրբեջանի դեսպանության մամլո հաղորդագրությանը։ Զարմանալի են ոչ միայն ներկայացված բացարձակ ոչ հնարամիտ պատմական և քաղաքական մանրամասները, որոնք ամբողջությամբ հակասում են Լեռնային Ղարաբաղի (Արցախի) հիմնախնդրի էությանը, բայց հատկապես այն փաստը, որ նյութի հեղինակները հիշատակել են «Կոմունիստական կուսակցության (Բոլշևիկ) կենտրոնական կոմիտեի կովկասյան բյուրոյի» դերը Լեռնային Ղարաբաղի ճակատագրում, ինչի հետ մենք չենք կարող չհամաձայնել:

Փաստորեն, հենց այս իրադարձությունը, Ստալինի ճնշման ներքո, ինչպես դա տեղի է ունեցել պատմական մյուս իրադարձությունների պարագայում, չարաբաստիկ ազդեցություն է ունեցել Լեռնային Ղարաբաղի հետագա ճակատագրի վրա՝ ընդհուպ մինչև Ադրբեջանի հայ բնակչության նկատմամբ իրականացված ջարդերն ու աքսորները, Լեռնային Ղարաբաղի Հանրապետության դեմ Ադրբեջանի կողմից շարունակվող ագրեսիան, որն այսօր հասել է նաև Հայաստանի սահմանին:

Զարմանալի է ևս մի փաստ. քննադատության են ենթարկվում նաև լրագրողների՝ տվյալ դեպքում «Աջերպրես» գործակալության, բազմաթիվ կարևոր միջազգային աղբյուրների հիման վրա, հավասար և անկողմնակալ պայմաններում ընթերցողին անաչառ տեղեկատվություն տրամադրելու իրավունքները:

Եվ այստեղ հռետորական հարց է առաջանում. ինչպե՞ս պետք է ռումինացի լրագրողները հանրությանը ներկայացնեն, օրինակ, վերջին այն իրադարձությունը, երբ, Ադրբեջանի ՊՆ խոսնակն իր պաշտոնական հայտարարության մեջ Հայաստանի տարածքում գտնվող Մեծամորի ատոմակայանին հրթիռային հարվածներ հասցնելու սպառնալիքներ է հնչեցնում...

Ռումինիայում Հայաստանի Հանրապետության դեսպանությունը ևս մեկ անգամ հաստատում է, որ խաղաղ բանակցությունները և Լեռնային Ղարաբաղի հիմնախնդրի արդար հանգուցալուծումը այլընտրանք չունեն, իսկ ատելության խոսքը տանում է դեպի փակուղի:

https://www.agerpres.ro/ots/2020/07/17/comunicat-de-presa-ambasada-republicii-armenia-in-romania--641822?fbclid=IwAR2LpIs73xwsm7CkzuJoBZ-kJ4PNhb0kC-IgDBwufmGfG74-nkthl5CuAEw

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր