Տեղեկատվություն

15 մայիսի, 2020

Տեղեկացնում ենք, որ Հայաստանում մարտի 16-ին հայտարարված և մինչև մայիսի 14-ը երկարաձգված արտակարգ դրությունը շարունակվելու է մինչև հունիսի 13-ը։ Նոր որոշմամբ մայիսի 18-ից ուժի մեջ են մտնելու արտակարգ դրության ընթացքում կիրառվող սահմանափակումներում մի շարք փոփոխություններ, վերացվելու է հանրային տրանսպորտի գործունեության արգելքը, պարտադիր է լինելու մարդկանց մոտ պաշտպանիչ դիմակի առկայությունը հանրային բաց տարածքներում և հանրային տրանսպորտում:

Միևնույն ժամանակ մայիսի 15-ից սկսած՝ վերացվել է արտակարգ դրությունը Ռումինիայում, որը փոխարինվել է զգոնության իրավիճակով: Այսպիսով, Ռումինիայում պարտադիր է դառնում դիմակներ կրելը առևտրային վայրերում, հանրային տրանսպորտային միջոցներում, աշխատավայրերում և այլն: Վերացվում է քաղաքի ներսում տեղաշարժվելու համար համապատասխան հայտարարագրի լրացման պահանջը: Շարունակում են կասեցված մնալ առևտրային չվերթները Ռումինիայից դեպի Իսպանիա, Ավստրիա, Իտալիա, Ֆրանսիա, Գերմանիա, Միացյալ Թագավորություն, ԱՄՆ, Թուրքիա և Իրան: Մինչև հունիսի 1-ը արգելված է ավտոբուսներով հատել ցամաքային սահմանները դեպի Ֆրանսիա, Գերմանիա, Իտալիա, Իսպանիա և Թուրքիա ուղևորվելու դեպքում:

Ուշադրություն

Նոր տիպի կորոնավիրուսով պայմանավորված իրադրությունում արտերկրում հայտնված ՀՀ քաղաքացիների տեղափոխումը Հայաստան իրականացվում է բացառապես պարետատան և ՀՀ ԱԳՆ համակարգմամբ՝ ըստ մշակված ժամանակացույցի և գործողությունների ծրագրի: Նման համակարգված աշխատանքը հնարավորություն է տալիս ապահովել մեր քաղաքացիների տեղափոխման առողջապահական անվտանգությունը և Հայաստանի առողջապահական համակարգի անխափան աշխատանքը:

Ռումինիայում ՀՀ դեսպանությունը ևս մեկ անգամ հորդորում է Հայաստան մեկնել ցանկացող քաղաքացիներին կապ հաստատել դեսպանության հետ՝ անհրաժեշտ ձևակերպումների իրականացման համար, որից հետո յուրաքանչյուր քաղաքացու կտրմադարվի ծանուցում Հայաստանում պարտադիր ինքնամեկուսացում անցնելու վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր