Ռումինիայի ԱԳՆ տեղեկացնում է

26 մարտի, 2020

Ռումինիայի ԱԳՆ տեղեկացնում է, անորոշ ժամանակով կասեցվել է Ռումինիայի դիվանագիտական ներկայացուցչություններում և հյուպատոսական կետերում Ռումինիայի մուտքի արտոնագրերի տրամադրման գործընթացը. մուտքի արտոնագրեր տրամադրվելու են երրորդ երկրների քաղաքացիների կամ քաղաքացիություն չունեցող անձանց միայն որոշակի կատեգորիաների.

- Երրորդ երկրների քաղաքացիների/քաղաքացիություն չունեցող անձանց, ովքեր հանդիսանում են Ռումինիայի քաղաքացիների ընտանիքի անդամներ,

- Երրորդ երկրների քաղաքացիների/քաղաքացիություն չունեցող անձանց, ովքեր հանդիսանում են ԵՄ անդամ-պետությունների (Միացյալ Թագավորության)/Եվրոպական տնտեսական գոտու/Շվեյցարիայի Համադաշնության քաղաքացիների ընտանիքի անդամներ, ովքեր ունեն Ռումինիայում բնակության իրավունք,

- Երրորդ երկրների քաղաքացիների/քաղաքացիություն չունեցող անձանց, ովքեր ճամփորդում են Ռումինիա աշխատանքի նպատակներով, մասնավորապես՝ առողջապահական համակարգի աշխատակիցների, տրանսպորտային ոլորտը սպասարկող աշատակիցների, ում աշխատանքը կապված է անհրաժեշտ ապրանքների փոխադրման հետ,

- Դիվանագետների, միջազգային կազմակերպությունների աշխատակիցների, ռազմական անձնակազմի և մարդասիրական օգնության աշխատակիցների,

- Տարանցիկ չվերթների ուղևորների, ովքեր ուղևորվում են երրորդ երկրներ,

- Երրորդ երկրների քաղաքացիների/քաղաքացիություն չունեցող անձանց, ովքեր ճամփորդում են խիստ անհրաժեշտ բժշկական կամ ընտանեկան պատճառներով,

- Երրորդ երկրների քաղաքացիների/քաղաքացիություն չունեցող անձանց, ովքեր ունեն միջազգային կամ մարդասիրական օգնության կարիք:

Ռումինիայի ԱԳՆ հորդորում է երրորդ երկրների քաղաքացիներին, ովքեր արդեն իսկ ունեն Ռումինիայի մուտքի արտոնագրեր, կամ երրորդ երկրների քաղաքացիներին/քաղաքացիություն չունեցող անձնանց, ովքեր Ռումինիա մուտք գործելու համար չունեն մուտքի արտոնագրի կարիք, մանրամասն դիտարկել երկիր այցելելու անհրաժեշտությունը: Ռումինիայի սահմանին երկիր մուտք գործելը արգելվելու դեպքում մուտքի արտոնագրի համար վճարված գումարը փոխհատուցման ենթակա չէ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր