Հայտարարություն

25 մարտի, 2020

Ռումինիայում գործող արտակարգ դրության շրջանակներում մարտի 24-ին երկրի իշխանություններն ընդունել են հավելյալ միջոցառումներ SARS-COV-2 վարակի տարածումը կանխարգելելու և դրանից պաշտպանվելու նպատակով: Համաձայն որոշման՝

Արգելվում է մարդկանց տեղաշարժը, բացառությամբ հետևյալ դեպքերի.

- Աշխատանքային անհրաժեշտություն,

- Առաջին անհրաժեշտության ապրանքների գնումներ,

- Բուժական օգնություն ստանալու նպատակով, եթե դա հնարավոր չէ հետաձգել կամ իրականացնել տանը

- Ճամփորդություն արդարացված դեպքերում. երեխաների կամ մեծահասակների խնամք, ընտանիքի անդամի մահ,

- Տան մերձակա տարածքում սահմանափակ տեղաշարժ՝ հիմնականում փոքր երեխաների կամ ընտանի կենդանիների համար,

- Արյան դոնոր լինելու նպատակով տեղաշարժ,

- Մարդասիրական կամ կամավորական նպատակներով տեղաշարժ,

- Գյուղատնտեսական գործունեություն:

Մեծահասակներին նշված դեպքերով թույլատրվում է տնից դուրս գալ միայն 11:00-13:00,

Ներկայացված պահանջները ապացուցելու համար անհրաժեշտ է ներկայացնել համապատասխան գրավոր ապացույցներ, գործատուի կողմից տրամադրված սերտիֆիկատ (կարող է նաև ներկայացվել էլեկտրոնային տարբերակով), ինչպես նաև ունենալ անձը հաստատող փաստաթղթեր,

մարտի 25-ից սկսած՝ Ռումինիա ժամանող բոլոր անձինք կենթարկվեն կարանտինի կամ մեկուսացման՝ կախված ժամանման երկրներից (կարմիր կամ դեղին գոտիներ),

մարտի 25-ից սկսած՝ 14 օրով կասեցվում են բոլոր առևտրային չվերթները դեպի Գերմանիա և Ֆրանսիա և այդ երկրներից:

Ռումինական իշխանությունների կողմից տրված բոլոր փաստաթղթերը, որոնց վավերականության ժամկետը լրանում է արտակարգ դրության շրջանում, կարող են երկարաձգվել դրա ավարտից հետո՝ 90 օրվա ընթացքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր