Հայտարարություն

22 մարտի, 2020

Նոր տիպի կորոնավիրուսի (COVID-19) տարածումը կանխելու նպատակով Ռումինիայում մարտի 22-ից ժամը 22: 00-ից (Ռումինիայի ժամանակով) սկսած կկիրառվեն մարտի 21-ի թիվ 2 ռազմական հրամանագրով սահմանված, մասնավորապես, ներքոհիշյալ միջոցառումները.

- Ռումինիան փակելու է իր սահմանները օտարերկրյա քաղաքացիների համար (բացառությամբ որոշ դեպքերի):

- Փակվելու են երկրի մոլերն ու առևտրային կենտրոնները:

- Բաց են լինելու միայն սուպերմարկետները, հիպերմարկետները, փոքր խանութները և դեղատները:

- Իրենց տներից դուրս՝ մարդկանց տեղաշարժը կսահմանափակվի ժամը 22:00-ից մինչև 6:00-ն ընկած ժամանակահատվածում (մի քանի բացառություններով):

- Օրվա ընթացքում նույնպես սահմանափակել իրենց տներից դուրս մարդկանց շարժումները: Ավելին, նրանք, ովքեր լքեն իրենց տները, պետք է հարգեն, կորոնավիրուսի տարածումը սահմանափակելու նպատակով, իշխանությունների կողմից սահմանված անվտանգության միջոցները և առաջարկությունները և չպետք է ճանապարհորդեն 3 անձից ավել կազմված խմբերով, եթե նրանք չեն հանդիսանում նույն ընտանիքի անդամ:

- Դադարեցվելու են ատամնաբուժարանների գործունեությունը՝ բացառությամբ շտապ դեպքերի:

- Առևտրային կենտրոններում դադարեցվելու է մանրածախ առևտուրը՝ բացառությամբ սննդի, անասնաբուժական կամ դեղագործական ապրանքների վաճառքի և մաքրման ծառայությունների:

- Օտարերկրյա քաղաքացիներին արգելվում է մուտք գործել Ռումինիայի տարածք, եթե նրանք չեն տարանցում Ռումինիան այն տարանցիկ միջանցքներով, որոնք կազմակերպվել են հարևան երկրների հետ ունեցած պայմանավորվածությունների շրջանակներում (բացառությամբ որոշ դեպքերի):

- Տանն ինքնամեկուսացած անձինք, ովքեր առանց իշխանությունների թույլտվության լքեն իրենց տները, տեղափոխվելու են կարանտինի:

- Այն անձանց համար, ովքեր առանց թույլտվության լքեն կարանտինային հաստատությունները, կարանտինը կերկարաձգվի ևս 14 օրով:

- Այն անձինք, ովքեր լքելու են ինքնամեկուսացումը կամ կարանտինը տուգանվելու են և ենթարկվելու քրեական պատասխանատվության:

- Սահմանափակվելում են կրոնական ծառայությունները, որոնց հասանելիությունը հանրության համար սահմանափակված է: Դրանք հեռարձակվելու են միայն հեռուստատեսությամբ կամ ինտերնետով: Եկեղեցիներում, այնպիսի մասնավոր միջոցառումները, ինչպիսիք են մկրտությունները, ամուսնությունները և հուղարկավորությունները տեղի են ունենալու առավելագույնը 8 անձանց ներկայությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր