Դեսպան Մինասյանն ընդունել է Ռումինիայում Հորդանանի Հաշիմյան Թագավորության նորանշանակ դեսպան Սուֆյան Քուդահին

10 մարտի, 2020

Մարտի 10-ին Ռումինիայում ՀՀ դեսպան Սերգեյ Մինասյանն ընդունեց Ռումինիայում Հորդանանի Հաշիմյան Թագավորության նորանշանակ դեսպան Սուֆյան Քուդահին/Sufyan QUDAH։

Դեսպան Մինասյանը զրուցակցի ներկայացրեց հայ-ռումինական հարաբերությունների առանձնահատկությունները՝ ներառյալ ռումինահայ համայնքի կարևոր դերակատարությունը երկրում, ինչպես նաև Հայաստանի ներքին և արտաքին քաղաքականության առանձնահատկություններն ու երկրի հետագա քաղաքական և տնտեսական զարգացման առաջնայնությունները:

Կողմերն անդրադարձան ՀՀ-ԵՄ հարաբերությունների հետագա զարգացմանն, ինչպես նաև տարածաշրջանային քաղաքականությանը և անվտանգությանն առնչվող մի շարք հարցերի, այդ թվում՝ Մերձավոր Արևելքում տեղի ունեցող զարգացումներին:

Հանդիպման ավարտին զրուցակիցներն անդրադարձան նաև Հորդանանի Հաշիմյան Թագավորության թագավոր, Նորին Արքայական Մեծություն Աբդալլահ Երկրորդ Իբն Ալ Հուսեյն Ալ Հաշիմիի վերջերս Հայաստան կատարած պաշտոնական այցին՝ նշելով, որ ավանդական պատմական և մշակութային ընդհանրությունների վրա խարսխված երկկողմ հարաբերությունների խորացման առումով այն չափազանց կարևոր էր

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր