Դեսպան Մինասյանն աշխատանքային այց է կատարել Բայա-Մարե քաղաք

04 փետրվարի, 2020

Փետրվարի 04-ից 05-ը Ռումինիայում ՀՀ արտակարգ և լիազոր դեսպան Սերգեյ Մինասյանն աշխատանքային այց է կատարել Ռումինիայի հյուսիս-արևմուտքում գտնվող Մարամուրեշ գավառի վարչական կենտրոն հանդիսացող Բայա-Մարե քաղաք, որտեղ մասնակցել է Ռումինահայոց միության Բայա Մարեի մասնաճյուղի կողմից կազմակերպված Շիմոն Հոլոշիի (հայտնի հայազգի նկարիչ) անվան կենտրոնի սաների աշխատանքների ցուցահանդեսին, ովքեր հայտ էին ներկայացրել մասնակցելու «Իմ Սարյանը» խորագրով համահայկական մանկապատանեկան նկարչական ցուցահանդեսին:

Փետրվարի 05-ին դեսպանը հանդիպել է Մարամուրեշ գավառի պրեֆեկ Նիկոլաե-Սիլվիու Ունգուրին ու Մարամուրեշ գավառի խորհրդի փոխնախագահ Իոան Դորու Դանկուշին:

Հանդիպումների ընթացքում կողմերն անդրադարձել են հայ-ռումինական կապերի և համագործակցության հետագա ընդլայնման հնարավորություններին: Կողմերը համոզմունք են հայտնել, որ Մարամուրեշի և Հայաստանի մարզերից մեկի միջև բարեկամության հաստատումն առավել կնպաստի երկկողմ համագործակցության ընդլայմնանը։

Այցի ընթացքում դեսպան Մինասյանը հանդիպել է նաև գավառի գործարար շրջանակների ներկայացուցիչների հետ, քննարկել Հայաստանում ու Ռումինիայում գործարար կապեր հաստատելու հնարավորություններ ու հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր