Դեսպան Մինասյանն ու դեսպանության ողջ անձնակազմը մասնակցեցին Ս. Հրեշտակապետաց Մայր Եկեղեցում մատուցված Սուրբ Պատարագին

19 հունվարի, 2020

Հունվարի 19-ին Ռումինիայում ՀՀ դեսպան Սերգեյ Մինասյանն ու դեսպանության ողջ անձնակազմը մասնակցեցին Ռումինիայի Հայոց Թեմի առաջնորդ գերշ. Տ. Տաթև եպիսկոպոս Հակոբյանի հանդիսապետությամբ Բուխարեստի Առաջնորդանիստ Ս. Հրեշտակապետաց Մայր Եկեղեցում մատուցված Սուրբ Պատարագին, որի ավարտին տեղի ունեցավ հոգեհանգստյան պաշտոն` ի հիշատակ Ստամբուլում հրատարակվող հայկական «Ակօս» թերթի խմբագրապետ Հրանտ Դինքի սպանության 13-րդ և Բաքվի ջարդերի 30-րդ տարելիցների:

Այնուհետև եկեղեցու բակում գտնվող 1915թ. զոհերի հիշատակին կանգնեցված խաչքարի մոտ տեղի ունեցավ ծաղկեպսակների զետեղման արարողություն :

Անդրադառնալով 30 տարի առաջ ճիշտ այս օրերին Բաքվում և խորհրդային Ադրբեջանի հայաբնակ այլ վայրերում հայերի նկատմամբ իրականացված ջարդերին՝ դեսպան Մինասյանը զուգահեռներ անցկացրեց Հրանտ Դինքի դավադիր սպանության հետ, նշելով, որ առկա մարտահրավերներին դիմակայելու միակ գրավականը մեր ուժն ու հզորությունն է՝ համազգային միասնականությունը:

Արարողությանը ներկա էին Ռումինիայի Հայոց Միության նախագահ Վարուժան Ոսկանյանը, ռումինահայ համայնքի ու հոգևոր դասի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր