Միջոցառում` նվիրված Հովհաննես Թումանյանի ծննդյան 150-ամյակին

20 դեկտեմբերի, 2019

Դեկտեմբերի 20-ին Բուխարեստի Քեմբրիջ դպրոցում տեղի ունեցավ Հովհաննես Թումանյանի ծննդյան 150-ամյակին նվիրված «Թումանյանական օր» միջոցառումը:

Դպրոցի տարրական դասարանների աշակերտներին ներկայացվեց Հովհաննես Թումանյանի կյանքն ու գործունեությունը, ինչից հետո նրանք դիտեցին մեծանուն գրողի մասին պատմող 2D անիմացիոն մուլտֆիլմը:

Այնուհետև ներկաների համար ընթերցվեց Թումանյանի «Սուտասանը» հեքիաթը, որից հետո երեխաները քննարկեցին այն և բնութագրեցին հերոսներին։

Միջոցառման ավարտին աշակերտները դիտեցին «Անբան Հուռին» հեքիաթի հիման վրա նկարահանված համանուն մուլտֆիլմ-մյուզիքլը և համտեսեցին հայկական արտադրության հրուշակեղեն:

Շնորհակալություն ենք հայտնում Հովհաննես Թումանյանի թանգարանի տնօրինությանը միջոցառման կազմակերպմանն օժանդակելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր