Դեսպան Մինասյանը հանդիպել է Թեոդոր Մելեշկանուի հետ

05 դեկտեմբերի, 2019

Դեկտեմբերի 05-ին Ռումինիայում ՀՀ դեսպան Ս. Մինասյանը հանդիպեց Ռումինիայի Սենատի նախագահ Թեոդոր Մելեշկանուին/Teodor Meleșcanu:

Հանդիպման ընթացքում քնարկվեցին երկկողմ հարաբերություններին առնչվող հարցերի լայն շրջանակ` անդրադարձ կատարելով նաև խորհրդարանական ձևաչափին:
Դեսպան Մինասյանը շնորհակալությամբ անդրադարձավ նախագահ Մելեշկանուի անձնական դերակատարմանը վերջերս Ռումինիայի խորհրդարանի երկու պալատներում Հայաստանին և հայերին վերաբերող միաձայն ընդունված երկու օրինագծերի վավերացման գործում:

Կողմերը երկուստեք ընդունեցին, որ ՀՀ-ԵՄ ՀԸԳՄ վավերացման, ինչպես նաև հոկտեմբերի 12-ը Ռումինիայում հայոց լեզվի, այբուբենի և մշակույթի օր հռչակման օրինագծերը կարևոր խթան են հանդիսանում երկու ժողովուրդների և պետությունների միջև երկկողմ և բազմակողմ համագործակցության զարգացման տեսանկյունից, ինչին իր նպաստն է բերում նաև ռումինահայ համայնքը:

Պրն Մելեշկանուն կարևորեց նաև Բուխարեստ-Երևան ուղիղ ավիաչվերթի գործարկումը, որը պետական մակարդակով երկկողմ համագործակցության իրականացման արդյունավետ քայլերից էր և հույս հայտնեց, որ նման նախաձեռնությունները կկրեն շարունակական բնույթ:

https://armenpress.am/arm/news/997987.html?fbclid=IwAR30qAyRw3-PPk1KIp6fK4wOTP7oPoqe_t2wd72v0lrK0HgyvseHyKfBGWg

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր