Դեսպան Մինասյանը աշխատանքային այց է կատարել Ռումինիայի Բոտոշան քաղաք

15 նոյեմբերի, 2019

Ս.թ. նոյեմբերի 15-ին Ռումինիայում ՀՀ արտակարգ և լիազոր դեսպան Սերգեյ Մինասյանը աշխատանքային այց է կատարել Ռումինիայի Բոտոշան քաղաք, որտեղ աշխատանքային հանդիպումներ է ունեցել Բոտոշանի քաղաքապետ Կատալին Ֆլուտուռի/Cătălin Flutur, ինչպես նաև Բոտոշան նահանգի խորհդի փոխնախագահ Դորին Բիրտայի/Dorin Birta հետ:

Հանդիպումների ընթացքում կողմերն անդրադարձել են հայ-ռումինական կապերի և համագործակցության հետագա ընդլայնման հնարավորություններին: Քննարկվել են նաև Բոտոշան և Աշտարակ քույր քաղաքների միջև հարաբերությունների հաստատմանն ու համագործակցությանն առնչվող մի շարք հարցեր։

Կողմերը քննարկել են Բոտոշանի հայկական պատմական և ճարտարապետական հուշարձանների պահպանությանը վերաբերող որոշ հարցեր՝ երկու երրկրների հարաբերություններում մեծապես կարևորելով հայ համայնքի դերակատարությունը:

Այցի ընթացքում դեսպանը մասնակցել է նաև Ռումինիայում հայերի միության հիմնադրման 100-ամյա հոբելյանին նվիրված մրցույթ-ցուցահանդեսին: Ցուցահանդեսի թեմաներն են եղել Ռումինիայի հայ համայնքի պատմությունը, ավանդույթները, անձերն ու պատմական հուշարձանները: Ավարտին տեղի է ունեցել Ռումինիայի Խորհրդարանի պատգամավոր, Ռումինիայում Հայոց միության նախագահ Վարուժան Ոսկանյանի Շշուկների մատյան գրքի շնորհանդեսը:

Բոտոշանում դեսպան Մինասյանը հանդիպել է նաև գործարար շրջանակների ներկայացուցիչների հետ, այցելել Ռումինիայի՝ հագուստ արտադրող ամենամեծ գործարաններից մեկը, որտեղ տնօրեն Ջերարդ Լոսեմի հետ քննարկել է հայ գործընկերներ ձեռք բերելու հնարավորություններն ու համագործակցության հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր