Բուխարեստում կայացավ Արևելյան գործընկերության 6-րդ բիզնես ֆորումը

25 հունիսի, 2019

Հունիսի 25-ին Բուխարեստում կայացավ Արևելյան գործընկերության 6-րդ բիզնես ֆորումը, որի թեման էր «ՏՏ արդյունաբերություն և էլեկտրոնային առևտուր»։ Միջոցառումը կազմակերպվել էր Ռումինիայի ԵՄ Խորհրդում նախագահության և Եվրոպական հանձնաժողովի կողմից։

ԵՄ անդամ երկրների և Արևելյան գործընկերության երկրների բազմաթիվ ընկերություններ, փորձագետներ և պետական կառույցների ներկայացուցիչներ հնարավորություն ունեցան ֆորումի ընթացքում փոխանակել կոնտակտներ, գիտելիքներ և տեսակետներ նշյալ ոլորտներում:

Հայկական պատվիրակությունը բաղակցած էր երկու տասնյակից ավել գործարարներից և ՏՏ ոլորտի մասնագետներից, ովքեր ներկայացնում էին Հայաստանում և տարածաշրջանում գործող նշյալ ոլորտի մի շարք առաջատար ձեռնարկություններ և կազմակերպություններ: Միջոցառմանը ներկա էր նաև Ռումինիայում ՀՀ դեսպան Սերգեյ Մինասյանը:

Միջոցառման ժամանակ հայ գործարարներն ու ՏՏ ոլորտի մասնագետները ներկայացրեցին իրենց ծրագրերն ու վերջին ձեռքբերումները: Ցուցադրվեց տեսահոլովակ, որը պատմում էր վերջին շրջանում բարձր տեխնոլոգիաների ոլորտում Հայաստանում գրանցված առաջընթացի, ինչպես նաև կայանալիք միջոցառումների մասին:

Ֆորումի ընթացքում մասնակիցները հանդիպեցին նաև Ռումինիայի խորհրդարանի պատգամավոր, Ռումինիայում տեղեկատվական տեխնոլոգիաների ոլորտի առաջատար մասնագետ Վարուժան Փամբուկչյանին: Հանդիպման ընթացքում քննարկվեցին բարձր տեխնոլոգիաների ոլորտում փորձի փոխանակման, ինչպես նաև հայ-ռումինական համագործակցության հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր