Դեսպան Մինասյանը մասնակցել է Ռումինիայի վարչապետ Վիորիկա Դանչիլայի կողմից, Ռումինիայի ԵՄ Խորհրդի նախագահության շրջանակներում, տրված պաշտոնական ճաշին

17 հունիսի, 2019

Ս.թ. հունիսի 17–ին Ռումինիայում ՀՀ դեսպան Սերգեյ Մինասյանը մասնակցել է Ռումինիայի վարչապետ Վիորիկա Դանչիլայի կողմից, Ռումինիայի ԵՄ Խորհրդի նախագահության շրջանակներում, տրված պաշտոնական ճաշին` ի պատիվ «Համաշխարհային հրեական կոնգրեսի ազգային համայնքային նախագահների 6-րդ ֆորումի և հակասեմականության դեմ պայքարող հատուկ բանագնացների 1-ին միջազգային հանդիպման»:

Միջոցառմանը ներկա էր նաև Հայաստանի հրեական համայնքի նախագահ Ռիմա Վարժապետյանը:

Վարչապետ Դանչիլային ներկայացնելով տիկին Վարժապետյանին` դեսպան Մինասյանն նաև անդրադարձավ հայ-ռումինական տնտեսական հարաբերությունների խորացման հեռանկարներին: Տիկին վարչապետը գոհունակություն հայտնեց Բուխարեստ-Երևան ուղիղ չվերթի գրանցած առաջընթացի կապակցությամբ` հույս հայտնելով, որ այն կնպաստի երկու երկրների միջև հարաբերությունների խորացմանը բոլոր ուղղություններով: Իր հերթին դեսպան Մինասյանը հավաստիացրեց տիկին վարչապետին, որ դեսպանությունը հետևողական քայլեր է ձեռնարկելու այդ ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր