Դեսպան Մինասյանը մասնակցեց «Կանանց դերն ու կարգավիճակը ժամանակակից հասարակության մեջ` իրավունքների ու հնարավորությունների ընդլայնման, ղեկավարման և գենդերային խտրականության միջև» վերնագրով կոնֆերանսին

29 մայիսի, 2019

Մայիսի 29-ին Ռումինիայում ՀՀ դեսպան Սերգեյ Մինասյանը մասնակցեց Բուխարեստում, Ռումինիայի ԵՄ Խորհրդում նախագահության շրջանակներում տեղի ունեցած «Կանանց դերն ու կարգավիճակը ժամանակակից հասարակության մեջ` իրավունքների ու հնարավորությունների ընդլայնման, ղեկավարման և գենդերային խտրականության միջև» վերնագրով բարձր մակարդակի կոնֆերանսին:

Կոնֆերանսը, որի բացմանն առանցքային ելույթով հանդես եկավ Ռումինիայի վարչապետ Վիորիկա Դանչիլան, նվիրված էր ժամանակակից հասարակության մեջ կանանց դերի և կարգավիճակի բարձրացման հիմնախնդիրներին:

Կոնֆերանսի բացման արարողությունից առաջ դեսպան Մինասյանը ճեպանցիկ զրույց ունեցավ Ռումինիայի Աշխատանքի և սոցիալական արդարության նախարար Մարիուս-Կոնստանտին Բուդայի/Marius-Constantin BUDĂI, ինչպես նաև Կանանց և տղամարդկանց հնարավորությունների համասարության ազգային գործակալության պետքարտուղար Աուրելիա Գրացիելա Դրագիչի/ Aurelia Grațiela DRĂGHICI հետ: Զրուցակիցները երկուստեք կարևորեցին բարձր մակարդակի քննարկումների ընթացքում գենդերային հավասարության խնդիրների բարձրաձայնումը, վերլուծումն ու դրանց լուծման համար ուղղված քայլերի համար առաջարկների ներկայացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր