Համերգ Փելեշ թագավորական ամրոցում

24 մայիսի, 2019

2019թ. մայիսի 24-ին Ռումինիայում ՀՀ դեսպանության հովանու ներքո ռումինական ազգային թանգարան հանդիսացող Փելեշ թագավորական ամրոցում տեղի ունեցավ համերգ` նվիրված Կոմիտասի ծննդյան 150-ամյա հոբելյանին`Փարիզի օպերայի սոպրանո Միքաելա Մինգերասի և հատուկ հրավիրյալ դաշնակահար Ալեք Բաբահեքյանի մասնակցությամբ:

Ողջունելով հյուրերին դեսպան Մինասյանը անդրադարձավ հայ երգահան, երաժշտագետ, ժամանակակից հայկական դասական երաժշտության հիմնադիր Կոմիտաս վարդապետի գիտական և ստեղծագործական գործունեությանը, որն այլևս նոր էջ բացեց հայ երաժշտական մշակույթի պատմության մեջ:

Միջացառմանը ներկա էին նաև Ռումինիայի ԱԳՆ Հանրային, մշակութային և գիտական դիվանագիտության վարչություն պետ Միրելա Կարմեն Գրեկուն և Հայաստանում Ռումինիայի նորանշանակ դեսպան Կորնել Իոնեսկուն:

Կոմիտաս վարդապետի ծննդյան 150-ամյա հոբելյանը ընդգրկված է ՅՈւՆԵՍԿՕ-ի Հռչակավոր մարդկանց և կարևոր իրադարձությունների 2018-2019 թվականների օրացույցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր