Դեսպան Մինասյանն ընդունեց Գերաշնորհ Տեր Տաթև եպիսկոպոս Հակոբյանին և Հոգեշնորհ Հայր Բաբկեն վարդապետ Սալբիյանին

23 մայիսի, 2019

Մայիսի 23-ին Ռումինիայում ՀՀ դեսպան Սերգեյ Մինասյանն ընդունեց Ռումինահայոց թեմի առաջնորդ Գերաշնորհ Տեր Տաթև եպիսկոպոս Հակոբյանին և Ռումինահայոց թեմում ծառայության կոչված Հոգեշնորհ Հայր Բաբկեն վարդապետ Սալբիյանին։

Ողջունելով հյուրերին` դեսպան Մինասյանը համոզմունք հայտնեց, որ Հայր Սուրբի նշանակումը նպաստելու է Ռումինահայոց թեմի կարողությունների առավել ամրապնդմանը, ինչը ծառայեցվելու է Թեմի և համայնքի հավաքականությանն ու համախնբմանը:

Իր հերթին, Տաթև Սրբազանը ներկայացրեց Ռումինահայոց թեմում հոգևոր կյանքի կազմակերպման խնդիրները, առաջնահերթություններն ու անելիքները:

Հանդիպման ընթացքում մտքեր փոխանակվեցին համազգային նշանակություն ունեցող հարցերի շուրջ պետություն-եկեղեցի-սփյուռքահայ համայնքներ համագործակցության ընդյալնման հնարավորությունների վերաբերյալ` ընդգծելով դրա համար առկա համահայկական մեծ ներուժը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր