Դեսպան Մինասյանը Լեոնարդ Մեդրեգայի հետ

15 մայիսի, 2019

Մայիսի 15-ին Ռումինիայում ՀՀ դեսպան Սերգեյ Մինասյանը հանդիպեց Ռումինիայի ՆԳՆ միգրացիայի հարցերով գլխավոր ինսպեկտոր Լեոնարդ Մեդրեգայի/LEONARD MEDREGA հետ:

Դեսպանը շնորհակալություն հայտնեց ինսպեկտոր Մեդրեգային հանդիպման համար և տեղեկացրեց, որ հայկական կողմը պատրաստակամ է գործնական համագործակցություն հաստատել, ներառյալ փորձի փոխանակումը, Ռումինիայի ՆԳՆ միգրացիոն ծառայության հետ` ՀՀ-ԵՄ մուտքի արտոնագրերի ազատականացման երկխոսության (ՄԱԱԵ) մեկնարկը խթանելու նպատակով:

Զրուցակիցները քննարկեցին Հայաստանի և ԵՄ երկրների միջև մուտքի արտոնագրերի ազատականացմանը և ռեադմիսիային վերաբերող հարցերի լայն շրջանակ: Հանդիպման արդյունքում ձեռք բերվեց պայմանավորվածություն` պարբերաբար տեղեկատվություն փոխանակել երկու երկրների քաղաքացիների միգրացիոն վիճակագրության, ընթացիկ հարցերի, ինչպես նաև միգրացիոն քաղաքականության պլանավորման վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր