Դեսպան Մինասյանին հյուրընկալել են ՀՀ ԱԺ արտաքին հարաբերությունների և եվրոպական ինտեգրման հարցերի մշտական հանձնաժողովներում:

05 ապրիլի, 2019

Ռումինիայում Հայաստանի արտակարգ և լիազոր դեսպանին հյուրընկալել են ՀՀ ԱԺ արտաքին հարաբերությունների և եվրոպական ինտեգրման հարցերի մշտական հանձնաժողովներում:

Ապրիլի 5-ին ՀՀ Ազգային ժողովի արտաքին հարաբերությունների և եվրոպական ինտեգրման հարցերի մշտական հանձնաժողովները հանդիպում են ունեցել Ռումինիայում Հայաստանի արտակարգ և լիազոր դեսպան Սերգեյ Մինասյանի հետ:

Դեսպանը խորհրդարանականներին է ներկայացրել հայ-ռումինական հարաբերությունների ներկա օրակարգը ու դրա ընդլայնման հեռանկարները, Ռումինիայում հայ համայնքի և հայկական մշակութային ժառանգության ներկա վիճակը, ինչպես նաև օրերս մեկնարկած Երևան-Բուխարեստ ուղիղ չվերթի ընձեռած հնարավորությունները:

Պատգամավորները հետաքրքրվել են կրթության, մշակույթի, տուրիզմի և տարածաշրջանային համագործակցության ոլորտներում հայ-ռումինական փոխգործակցության ներուժից, ինչպես նաև Հայաստան-ԵՄ համագործակցության շրջանակում Ռումինիայի ունեցած դերի և ազդեցության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր