Միջխորհրդարանական համաժողով

01 ապրիլի, 2019

ՀՀ ԱԺ պատգամավոր, Եվրոպական ինտեգրման հարցերի մշտական հանձնաժողովի նախագահ Արման Եղոյանը և նույն հանձնաժողովի անդամ Գայանե Աբրահամյանը ս.թ. ապրիլի 01-ից 02-ը գտնվում էին Բուխարեստում` մասնակցելու Ռումինիայի խորհրդարանում անցկացվող «ԵՄ ապագան» միջխորհրդարանական համաժողովին:

Համաժողովի սզկբում տեղի ունեցավ հանդիպում և մտքերի փոխանակում ՀՀ ԱԺ պատգամավորների և Ռումինիայի Սենատի նախագահ, իշխող կոալիցիայի մաս կազմող ALDE կուսակցության ղեկավար Կալին Պոպեսկու-Տարիչեանուի/ Călin Popescu-Tăriceanu հետ:

Զրույցի ընթացքում հայ պատգամավորները շնորհակալություն հայտնեցին Սենատի նախագահին ՀՀ-ԵՄ Համապարփակ և ընդլայնված գործընկերության համաձայնագրի արագացված վավերացման համար: Իր հերթին պարոն Տարիչեանուն շնորհավորեց պատգամավորներին և դեսպանին Բուխարեստ-Երևան ուղիղ չվերթի մեկնարկի կապակցությամբ` նշելով, որ այն կարող է դրականորեն անդրադառնալ երկու երկրների փոխադարձ շփումների, այդ թվում նաև նոր փոխայցելությունների ու երկու խորհրդարանների միջև համագործակցության ակտիվացմանը:

Համաժողովի «Եվրոպական հարևանություն. Բալկաններ, ԱլԳ/ Եվրո-Ատլանտյան հարաբերություններ» նիստի ընթացքում հայ պատգամավորները հանդես եկան ելույթներով, որտեղ ներկայացրեցին Հայաստանի և ԵՄ միջև փոխգործակցության գործընթացների տեսլականը, ԵՄ-Հայաստան համապարփակ և ընդլայնված գործընկերության համաձայնագրին վերաբերող մի շարք հարցեր:

Պատգամավորներն անդրադարձան նաև 2016թ. ապրիլյան իրադարձություններին, Լեռնային Ղարաբաղի դեմ սանձազերծած Ադրբեջանի ագրեսիային և ԵՄ կողմից համապատասխան արձագանքներ հնչեցնելու անհրաժեշտությանը` չխախտելու հրադադարի պահպանման ռեժիմը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր