«100-ամյակ` Հայաստանի Հանրապետություն, Ռումինիա` Մեծ Միություն» խորագիր

02 օգոստոսի, 2018

Օգոստոսի 02-ին Ռումինիայի Ռոման քաղաքի արվեստի պատկերասրահում բացվեց Հայաստանի առաջին Հանրապետության հիմնադրման 100-ամյակին նվիրված «100-ամյակ` Հայաստանի Հանրապետություն, Ռումինիա` Մեծ Միություն» խորագիրը կրող ցուցահանդեսը, որը կազմակերպել էր Ռումինիայում Հայաստանի Հանրապետության դեսպանությունը՝ Ռումինիայի Հայոց Միության Ռոմանի մասնաճյուղի հետ համատեղ:

Ցուցահանդեսի բացմանը ելույթներ ունեցան Ռումինիայի հայկական միության Ռոմանի մասնաճյուղի նախագահ Էմանուել Նազարեթյանը, Ռոմանի փոխքաղաքապետ Ռոքսանա Իորգան, Ռումինիայում ՀՀ դեսպանության խորհրդատու Լիանա Մինասյանը և «Արարատ» հանդեսի խմբագիր Էդուարդ Անտոնյանը:

Ցուցահանդեսի բացման ժամանակ ունեցած իր ելույթում Լիանա Մինասյանն ասաց. «Ցուցահանդեսը նվիրված է հայ ժողովրդի և հայոց պետականության ամենակարևոր իրադարձություններից մեկին` Հայաստանի առաջին Հանրապետության հռչակման 100-ամյակին: Խորհրդանշական է, որ Ռումինիան այս տարի նույնպես նշում է այնպիսի կարևոր տարեդարձ, ինչպիսին է Ռումինիայի Մեծ Միավորման 100-ամյակը: Եվ սա պատահական չէ: Դեռ հարյուր տարի առաջ հայերն ու ռումինացիները, փաստորեն, դաշնակիցներ էին Առաջին համաշխարհային պատերազմի տարիներին, և մենք շատ հաճախ նույն խրամատներում էինք՝ ուս ուսի տված, իսկ մեր ճակատագրերը երբեմն որոշվում էին նույն դիվանագիտական դահլիճներում և սրահներում»:
Ցուցահանդեսի բացմանը ներկա էին մշակութային գործիչներ, մտավորականներ, ԶԼՄ-ների ներկայացուցիչներ:
«100-ամյակ` Հայաստանի Հանրապետություն, Ռումինիա` Մեծ Միություն» ցուցահանդեսը բաց է լինելու մինչև օգոստոսի 11-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր