Դեսպան Մինասյանն ընդունեց Ռումինիայում Չեռնոգորիայի նորանշանակ դեսպան Գորան Պոլոկսիչին

10 հուլիսի, 2018

Հուլիսի 10-ին Ռումինիայում ՀՀ դեսպան Սերգեյ Մինասյանն ընդունեց Ռումինիայում Չեռնոգորիայի նորանշանակ դեսպան Գորան Պոլոկսիչին։

Հանդիպմանը կողմերն անդրադարձան երկկողմ և բազմակողմ հայ-չեռնոգորյան հարաբերություններին առնչվող մի շարք հարցերի, մասնավորապես, քաղաքական և տնտեսական ոլորտներում:

Զրուցակիցները կարևորեցին նաև հոկտեմբերին Երևանում կայանալիք Ֆրանկոֆոնիայի գագաթաժողովին Չեռնոգորիայի բարձրաստիճան պատվիրակության մասնակցության հարցը:

Դեսպան Մինասյանը ներկայացրեց Հայաստանում տեղի ունեցած վերջի քաղաքական զարգացումները, նոր կառավարության մոտեցումներն ու առաջանայնությունները երկրի հետագա քաղաքական և տնտեսական զարգացման բնագավառներում:

Հատուկ անդրադարձ եղավ Հայաստանի արտաքին քաղաքականության հիմնական ուղղություններին։

Դեսպանները պայմանավորվեցին շարունակել պարբերական շփումները՝ երկուստեք հետաքրքրություն ներկայացնող հարցերի քննարկման նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր