Դեսպան Մինասյանը հանդիպել է Ադրիան Նաստասեի հետ

27 հունիսի, 2018

Հունիսի 27-ին տեղի ունեցավ հանդիպում Ռումինիայում ՀՀ դեսպան Սերգեյ Մինասյանի և Նիկոլաե Տիտուլեսկու Եվրոպական հիմնադրամի նախագահ, Ռումինիայի խորհրդարանի պատգամավորների պալատի նախկին նախագահ, նախկին վարչապետ, նախկին ԱԳ նախարար, հայտնի հասարակական-քաղաքական գործիչ Ադրիան Նաստասեի հետ:

Քննարկման ժամանակ զրուցակիցներն անդրադարձ կատարեցին Ռումինիայի և Հայաստանի ներքին և արտաքին քաղաքականության հարցերին, ինչպես նաև ռումինահայ համայնքի գործունեությանը:

Ադրիան Նաստասեն ջերմությամբ հիշատակեց, որ 1991թ. դեկտեմբերին, երբ Ռումինիայի արտաքին գործերի նախարարն էր, իր հայաստանցի գործընկեր Րաֆֆի Հովհաննիսյանի հետ հանդիպման արդյունքում Ռումինիան 1991թ. դեկտեմբերի 17-ին դիվանագիտական հարաբերություններ հաստատեց Հայաստանի հետ՝ դառնալով առաջին երկրներից մեկը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր