Դեսպան Սերգեյ Մինասյանն ընդունեց Սլովակիայի նորանշանակ դեսպան Կարոլ Միստրիկին

20 հունիսի, 2018

Հունիսի 20-ին Ռումինիայում ՀՀ դեսպան Սերգեյ Մինասյանն ընդունեց Ռումինիայում Սլովակիայի նորանշանակ դեսպան Կարոլ Միստրիկին։

Հանդիպմանը կողմերն անդրադարձան երկկողմ և բազմակողմ հայ-սլովակական հարաբերություններին առնչվող մի շարք հարցերի, մասնավորապես կարևորվեց Սլովակիայի կողմից Հայաստան-Եվրամիություն Համապարփակ և ընդլայնված գործընկերության համաձայնագրի վավերացման գործընթացը։
Դեսպան Մինասյանը, զրուցակցի խնդրանքով, ներկայացրեց Հայաստանում տեղի ունեցած վերջին քաղաքական զարգացումները, նոր կառավարության մոտեցումներն ու առաջանայնությունները երկրի հետագա քաղաքական և տնտեսական զարգացման բնագավառներում:

Հատուկ անդրադարձ եղավ Հայաստանի արտաքին քաղաքականության հիմնական ուղղություններին, դեսպան Մինասյանը ներկայացրեց Արցախյան հակամարտության բանակցային գործընթացը, վերջին զարգացումները, ինչպես նաև հիմնահարցի բացառապես խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահ երկրների համատեղ ջանքերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր