Դեսպան Մինասյանը հանդիպեց Ռումինիայի Ներքին գործերի նախարարության պետքարտուղար Ռոբերտ Մարինի հետ

22 փետրվարի, 2018

Փետրվարի 22-ին Ռումինիայում Հայաստանի դեսպան Սերգեյ Մինասյանը հանդիպեց Ռումինիայի Ներքին գործերի նախարարության պետքարտուղար Ռոբերտ Մարինի հետ:

Պետքարտուղար Մարինը, ողջունելով դեսպան Մինասյանին, նրան մաղթեց արգասավոր դիվանագիտական գործունեություն: Դեսպան Մինասյանը շնորհակալություն հայտնեց հանդիպման համար և նշեց, որ անցած տարվա նոյեմբերին Բրյուսելում ստորագրված ԵՄ-Հայաստան Համապարփակ և ընդլայնված գործընկերության համաձայնագիրը (CEPA) բարենպաստ մթնոլորտ և հնարավորություն է ստեղծում տարբեր ոլորտներում Ռումինիայի հետ երկկողմ և բազմակողմ ձևաչափերում համագործակցության համար:

Կողմերը համաձայնեցին, որ նկատի ունենալով Ռումինիայի ՆԳՆ գործառույթների լայն շրջանակը, որն ընդգրկում է ոստիկանությունից մինչև բնական և տեխնածին աղետների դեմ պայքարը, ճգնաժամային կառավարումը, քաղաքացիական պաշտպանության բաղադրիչները և այլ ենթաբնագավառներ, հնարավորություն կա ուրվանշել համագործակցության այնպիսի ուղղություններ կամ ծրագրեր, որոնք կարող են արդյունավետ և փոխադարձաբար շահավետ լինել երկու երկրների համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր