Ընդունելություն Հայոց բանակի օրվա առթիվ Ռումինիայում ՀՀ դեսպանատանը

26 հունվարի, 2018

Հունվարի 26-ին Ռումինիայում ՀՀ դեսպանատանը կազմակերպվեց ընդունելություն` Հայոց Բանակի օրվա և ՀՀ զինված ուժերի կազմավորման 26-ամյակի կապակցությամբ:

Ընդունելությանը ներկա էին Ռումինիայի Ազգային պաշտպանության և Արտաքին գործերի նախարարությունների ներկայացուցիչներ, Ռումինիայի հայոց թեմի առաջնորդ Տ. Տաթև եպիսկոպոս Հակոբյանը, Ռումինիայի հայոց միության նախագահ, Ռումինիայի խորհրդարանի պատգամավոր Վարուժան Ոսկանյանը, ինչպես նաև ռումինահայ համայքնի այլ ականավոր ներկայացուցիչներ:

Միջոցառման սկզբում հնչեցին ՀՀ և Ռումինիայի պետական օրհներգերը և հանդիսավորությամբ կտրվեց տոնական տորթը:

Ռումինիայում ՀՀ դեսպան Ս. Մինասյանը շնորհավորեց ներկաներին տոնի կապակցությամբ՝ իր խոսքում նշելով որ Հայաստանի Զինված ուժերը պատվով անցել են փորձությունների բովով, հզորացել և այսօր մեր Հայրենիքի՝ Հայաստանի Հանրապետության և Արցախի գոյության ամուր գրավականն ու երաշխիքն են: Նա նաև ընդգծեց միջազգային ռազմական համագործակցության կարևորությունը ՀՀ Զինված ուժերի հետագա զարգացման համար՝ հույս հայտնելով, որ հայ-ռումինական ռազմական և անվտանգային համագործակցությունը կընդլայնվի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր