Վարուժան Ոսկանյանի «Շշուկների մատյան» վեպը լեհական Անգելուս գրական մրցույթի եզրափակիչում

19 սեպտեմբերի, 2016

Ռումինահայ գրող, սենատոր Վարուժան Ոսկանյանի Հայոց ցեղասպանության մասին պատմող «Շշուկների մատյան» վեպը լեհական Անգելուս գրական մրցույթի եզրափակիչում է: Անգելուս մրցանակը արձակի բնագավառում համարվում է Կենտրոնական Եւրոպայում ամենահեղինակավորներից, որը շնորհվում է 2006թ. ի վեր: Ժյուրին մրցանակի ներկայացված 70 գործերից ընտրվել է ընդամենը 7 անուն, որոնց մեջ նաեւ Վարուժան Ոսկանյանի հայտնի վեպը:

Անգելուս մրցանակի հետ միաժամանակ շնորհվում է նաև «Հանրաճանաչության» տիտղոս (Նատալյա Գորբանիևսկա մրցանակ), որի հաղթողը որոշվում է ընթերցողների կողմից: Վարուժան Ոսկանյանի ընթերցողները ամենուր, այդ թվում նաեւ Հայաստանում կարող են մասնակցել քվեարկությանը. http://angelus.com.pl/ կայքէջի աջ մասում ուղղահայաց դիրքով գրքերի տիտղոսաթերթերն են, որոնցից յուրաքանյուրի տակ կա GLOSUJ կոճակը («Շշուկների մատյանը» լեհերեն կոչվում է KSIEGA SZEPTOW և շարքում վերջինն է), որի վրա սեղմելով կարող եք քվեարկել մեր հայրենակցի օգտին:

«Հանրաճանաչության» տիտղոսի համար էլեկտրոնային քվեարկությունը տեւելու է մինչեւ հոկտեմբերի 12-ը, իսկ գլխավոր մրցանակը կշնորհվի հոկտեմբերի 15-ին Վրոցլավում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր