Ֆրանկոֆոն Հայաստանը Բուխարեստի Գրքի միջազգային սալոնում

23 նոյեմբերի, 2015

Հայաստանը որպես ֆրանկոֆոնիայի անդամ երկիր արդեն երրորդ տարին մասնակցում է Բուխարեստի GAUDEAMUS Գրքի միջազգային սալոնին. Ռումինիայում Հայաստանի դեսպանությունը Ֆրանկոֆոն երկրների խմբի կազմում/GADIF ֆրանկոֆոնիայի տաղավարում ներկայացրեց ֆրանսերենով հրատարակություններ, որոնց շարքում Գրիգոր Նարեկացու „Մատյան ողբերգության” ֆրանսերեն թարգմանությունը:

Բուխարեստի Գրքի միջազգային սալոնի ֆրանկոֆոնիայի տաղավարի հանդիսավոր բացումը կայացավ նոյեմբերի 18-ին, ֆրանկոֆոն երկրների դեսպանների, ֆրանկոֆոնիայի ռեգիոնալ հաստատությունների ներկայացուցիչների եւ Ռումինիայի նորանշանակ մշակույթի նախարար Վլադ Ալեքսանդրեսկուի մասնակցությամբ /Vlad Alexandrescu:

Ֆրանսիացի լրագրողների „Թուրքիան եւ հայկական ուրվականը. Ցեղասպանության հետքերով” գրքի ներկայացում

Բուխարեստի Գրքի միջազգային սալոնի միջոցառումների շարքում ընդգրկված էր նաեւ ֆրանսիացի լրագրողներ Լոր Մարշանի եւ Գիյոմ Պերիեի „Թուրքիան եւ հայկական ուրվականը. Ցեղասպանության հետքերով”/Laure Marchand, Guillaume Perrier. Turcia si fantoma armeana: Pe urmele genocidului գրքի ռումիներեն թարգմանության ներկայացումը Կորինտ/Corint հրատարակչության տաղավարում: Նոյեմբերի 20-ին գիրքը ներկայացրեցին նախաբանի հեղինակ, հայտնի պատմաբան Սորին Անտոխին/ Sorin Antohi եւ դոկտ. Գաբրիել Անդրեեսկուն/Gabriel Andresscu, գրող հրապարակախոս Պետրոս Խորասանջյանը/Bedros Horasangian: Գրքի ռումիներեն հրատարակության առիթով դրվատական խոսք ասաց Հայաստանի դեսպան Համլետ Գասպարյանը: Թարգմանությունը կատարել է Նիկոլաե Դրագուշինը/Nicolae Dragusin:
Ռումինական հայտնի Polirom հրատարակչությունը Գրքի միջազգային սալոնում ներկայացրեց Վարուժան Ոսկանյանի „Իմ չգրված բանաստեղծությունների գիրքը”/ Cartea poemelor mele nescrise ժողովածուն: „Այս հատորում ընթերցողը կգտնի մի յուրահատուկ հանդիսավոր հնչողություն, որ ժառանգել եմ իմ հայկական ցեղից, եւ խուլ տառապանք, որ ինձ փոխանցվել է ռումին ցեղից”, գրքի շնորհանդեսին հայտարարեց Վարուժան Ոսկանյանը:
Polirom-ի տաղավարում ներկայացված էին նաեւ ժամանակակից ռումինական արձակի հայտնի դեմքերից Շտեֆան Հակոբյանի „Թավշյա Տաքեն”/Stefan Agopian Tache de catifea եւ Վարդան Առաքելյանի „Գիշերվա վերջին”/Vartan Arachelian La capatul noptii վեպերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր