Հայոց ցեղասպանության 111-րդ տարելիցի կապակցությամբ ոգեկոչման արարողություն Բուխարեստում

26 ապրիլի, 2026

Ապրիլի 26-ին Բուխարեստի Սրբոց Հրեշտակապետաց Առաջնորդանիստ Մայր տաճարում Ռումինիայում ՀՀ դեսպան Տիգրան Գալստյանը և դեսպանության անձնակազմը մասնակցել են Հայոց ցեղասպանության զոհերի հիշատակին նվիրված արարողությանը։

Ռումինահայոց թեմի առաջնորդ Տեր Տաթև եպիսկոպոս Հակոբյանի գլխավորությամբ մատուցվել է Հայոց ցեղասպանության 111-րդ տարելիցին և ցեղասպանության սրբադասված զոհերի հիշատակի ոգեկոչմանը նվիրված պատարագ, որին հաջորդել է ծաղկեպսակների զետեղման արարողությունը։

Ռումինահայ համայնքի կողքին արարողությանը մասնակցել են նաև Ռումին Ուղղափառ Եկեղեցու և կրոնական այլ ներկայացուցիչներ, ինչպես նաև Բուխարեստում հավատարմագրված մի շարք բարեկամ երկրների դեսպաններ և դիվանագետներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր