Դեսպան Տիգրան Գալստյանը հանդիպում է ունեցել Ռումինական Ակադեմիայի նախագահ Իոան-Աուրել Պոպի հետ

30 հոկտեմբերի, 2024

Հոկտեմբերի 30-ին Ռումինիայում ՀՀ դեսպան Տիգրան Գալստյանը հանդիպում է ունեցել Ռումինական Ակադեմիայի նախագահ Իոան-Աուրել Պոպի հետ։

Հանդիպմանը երկուստեք ընդգծվել է Ռումինական Ակադեմիայի պատմական առանձնահատուկ դերը ռումին ժողովրդի հասարակական և գիտական կյանքում և տարբեր ժամանակներում ռումինահայ բազմաթիվ ակադեմիկոսների ներդրումն այդ գործում։ Այս առումով կարևորվել է Ակադեմիայի անդամ հանդիսացած հայազգի գործիչների հանրահռչակմանն ուղղված միջոցառումների պարբերական կազմակերպումը։

Զրուցակիցները քննարկել են նաև ՀՀ Գիտությունների Ազգային Ակադեմիայի և Ռումինական Ակադեմիայի միջև առկա համագործակցության ընթացքը և խորացման հեռանկարները՝ համատեղ գիտաժողովների և այլ նախագծերի իրականացման տեսքով։

Բարձր գնահատելով Ակադեմիայի նախագահ Պոպի դերը Ռումինիայում հայագիտության ինստիտուցիոնալիզացման գործում, մասնավորապես վերջինիս ռեկտորության շրջանում Կլուժ-Նապոկայի "Բաբեշ-Բոլայի" համալսարանին կից Հայագիտության կենտրոնի բացումը` ՀՀ դեսպանն ընդգծել է հայ և ռումին ժողուվուրդների պատմական բարեկամության ամուր հենքի վրա երկու երկրների հասարակությունների միջև փոխճանաչողության խորացման և այդ հարցում գիտաակադեմիական շրջանակների ակտիվ գործունեության կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր