Ռումինիայում ՀՀ արտակարգ և լիազոր դեսպան Սերգեյ Մինասյանն առցանց դաս անցկացրեց Եվրասիա միջազգային համալսարանի դասընթացների կենտրոնի «Պատանի դիվանագետի» դպրոցի սաների հետ

15 փետրվարի, 2023

Փետրվարի 15-ին Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանն առցանց հարթակում վարպետության դաս անցկացրեց «Պատանի դիվանագետի» դպրոցի ունկնդիրների համար, որի ընթացքում դեսպանը հակիրճ անդրադարձավ իր մասնագիտական կարիերային, ինչպես նաև դիվանագիտական առաքելության նպատակներին ու խնդիրներին։

Այնուհետև դեսպանը խոսեց հայ-ռումինական հարաբերությունների մասին,նշեց երկու երկրների հարաբերություններինառնչվող մի շարք հետաքրքիր փաստեր։ Մասնավորապես, հիշեցրեց, որ Ռումինիան ՄԱԿ ամդամ առաջին երկիրն էր, որը դիվանագիտական հարաբերություններ է հաստատել նորանկախ Հայաստանի հետ։

Դեսպանի խոսքից հետո առցանց հանդիպումը շարունակվեց հարց ու պատասխանի ձևաչափով։ Հարցերի մի մասն առնչվում էր դիվանագետին անհրաժեշտ մասնագիտական ունակություններին ու պահանջներին։ Պարոն Մինասյանը նշեց, որ նախ և առաջ դիվանագետը պետք է տիրապետի մի քանի օտար լեզուների, ունենա քաղաքական և պատմական զարգացումների մասին գիտելիքներ, լինի հաղորդակցվող ու ճկուն, բայց և սկզբունքային՝ հավուր պատշաճի ներհայացնելու իր պետությունը։

Սաներին հուզող հարցերի թվում էին նաև հայ-թուրքական ու հայ-ադրբեջանական հարաբերությունների առանձնահատկությունները։

Դեսպանը ներկայացրեց նաև տարածաշրջանային վերջին զարգացումների դինամիկան։

Ամփոփելով իր խոսքը՝ դեսպան Մինասյանը հաջողություն մաղթեց դպրոցի սաներին և պատրաստակամություն հայտնեց նմանատիպ հանդիպումները դարձնել շարունակական։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր