Դեսպան Մինասյանը հանդիպում է ունեցել Ռումինիայի Սենատի արտաքին հարաբերությունների հանձնաժողովի նախագահ Տիտուս Կոռլատեանի հետ

09 փետրվարի, 2023

Փետրվարի 9-ին Ռումինիայում Հայաստանի Հանրապետության դեսպան Սերգեյ Մինասյանը հանդիպել է Ռումինիայի Սենատի արտաքին հարաբերությունների հանձնաժողովի նախագահ Տիտուս Կոռլատեանին։

Հանդիպմանը քննարկվել է երկկողմ հարաբերություններում խորհրդարանական դիվանագիտության ակտիվացման հեռանկարներն՝ այդ թվում Հայաստան-ԵՄ համագործակցության համատեքստում։ Ընդգծվել է Հայաստանում ԵՄ քաղաքացիական դիտորդական առաքելության տեղակայման կարևորությունը՝ որպես տարածաշրջանային կայունությանն ու խաղաղությանը նպաստող գործոն։

Դեսպան Մինասյանը ներկայացրել է Արցախը Հայաստանին և արտաքին աշխարհին կապող Լաչինի միջանցքի՝ Ադրբեջանի կողմից շրջափակման հետևանքով ստեղծված հումանիտար ճգնաժամի մանրամասները։ Կարևորվել է միջազգային հանրության հստակ և հասցեական դիրքորոշման անհրաժեշտությունը։

Երկուստեք ընդգծվել է Ռումինիայում և Հայաստան-Ռումինիա երկկողմ հարաբերություններում հայ համայնքի արժեքավոր դերակատարությունը՝ հիմնված երկու բարեկամ ժողովուրդների հոգևոր և արժեհամակարգային ընդհանրությունների վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր