Ռումինիայում Վրաստանի նորանշանակ դեսպան տկն Թամար Բերուչաշվիլին քաղաքավարական այց է կատարել Ռումինիայում Հայաստանի Հանրապետության դեսպան Սերգեյ Մինասյանին

18 հունվարի, 2023

Հունվարի 18-ին Ռումինիայում Վրաստանի նորանշանակ դեսպան տկն Թամար Բերուչաշվիլին քաղաքավարական այց է կատարել Ռումինիայում Հայաստանի Հանրապետության դեսպան Սերգեյ Մինասյանին։

Շնորհավորելով դեսպանին պաշտոնի ստանձնման կապակցությամբ՝ դեսպան Մինասյանը համոզմունք է հայտնել, որ տիկին Բերուչաշվիլիի հարուստ մասնագիտական փորձը Վրաստանի բարձրագույն պետական և դիվանագիտական պաշտոններում հուսալի գրավական է իր կարևոր առաքելության իրականացման գործում ցանկալի արդյունքների հասնելու համար։

Դեսպանները քննարկել են հնարավոր համագործակցության ուղիները, տարածաշրջանային քաղաքական զարգացումներն ու մարտհրավերները։

Զրուկացիցներն երկուստեք ընդգծել են, որ պատմական ամուր կապերի ու բարիդրացիության վրա հիմնված հայ-վրացական հարաբերություններում նկատվում է կայուն զարգացման դրական դինամիկա, ինչը տարածաշրջանում կայունության ու խաղաղության հաստատման կարևոր գործոններից է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր