Ռումինիայում Ֆրանսիական ֆիլմերի ամենամյա փառատոնի փակման արարողությունը՝ Հայաստանի և Ֆրանսիայի դեսպանությունների համագործակցությամբ

28 մարտի, 2026

Մարտի 28-ին Բուխարեստում տեղի ունեցավ Ռումինիայում Ֆրանսիական ֆիլմերի փառատոնի փակման հանդիսավոր արարողությունը։ Ֆրանկոֆոնիայի օրվան նվիրված միջոցառումների շրջանակներում Ֆրանսիական ինստիտուտի կողմից անցկացվող ամենամյա փառատոնին Հայաստանի դեսպանությունը մասնակցեց որպես գործընկեր։

Փառատոնի ավարտը նշանավորվեց հայ-ֆրանսիական համատեղ արտադրության «Արտոյի երկիրը» ֆիլմի պրեմիերայով՝ Բուխարեստի Էլվիրե Պոպեսկուի անվան կինոթատրոնում։ Միջոցառմանը ողջույնի խոսքով հանդես եկան Ռումինիայում Հայաստանի դեսպան Տիգրան Գալստյանը և Ֆրանսիայի դեսպան Նիկոլա Վարներին։

Ֆիլմի ցուցադրությանը նախորդեց Հայաստանի և Ֆրանսիայի դեսպանությունների կողմից ընդունելությունը, որին ներկա գտնվեցին Ռումինիայում հավատարմագրված ֆրանկոֆոն երկրների դեսպաններ և դիվանագետներ, ռումինացի պաշտոնատար անձինք և խորհրդարանի անդամներ, մշակույթի և հասարակական գործիչներ, ինչպես նաև ռումինահայության բազմաթիվ ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր