ՀՀ դեսպանը մասնակցել է Ֆրանկոֆոնիայի ամառային համալսարանի շրջանակներում “Դիվանագետի արհեստը” կլոր սեղան-հանդիպմանը

08 հուլիսի, 2025

Հուլիսի 8-ին Բուխարեստում անցկացվող Ֆրանկոֆոնիայի ամառային համալսարանի շրջանակներում Ռումինիայում ՀՀ արտակարգ և լիազոր դեսպան Տիգրան Գալստյանը, Ֆրանսիայի, Լիբանանի, Հունաստանի, Մարոկկոյի և Վիետնամի իր գործընկերների հետ, որպես բանախոս, մասնակցել է "Դիվանագետի արհեստը" խորագրով կլոր սեղան-հանդիպմանը ամառային համալսարանի մասնակիցների հետ։

Կլոր սեղան-հանդիպմանն անդրադարձ է կատարվել միջազգային հարաբերություններում արդի մարտահրավերների հասցեագրման գործում դիվանագիտության կարևորությանը, և դիվանագիտական գործունեության ներկայիս փոխակերպմանը։

ՀՀ դեսպանն ընդգծել է ապագա դիվանագետների անհատական որակների առանցքային դերը ժողովուրդների և հասարակությունների համատեղ շահերը տեսնելու և դրանք կամրջելու մեջ։

Քննարկմանը հաջորդել է ուսանողների հետ հարցուպատասխանը, որի ընթացքում դեսպանները պատասխանել են հարցերի լայն շրջանակի։

Ֆրանկոֆոնիայի միջազգային կազմակերպության (ՖՄԿ) Կենտրոնական և Արևելյան Եվրոպայի տարածաշրջանային ներկայացուցչության կողմից Բուխարեստում մայիսի 6-ից 13-ը կազմակերպված ամառային համալսարանին մասնակցել է Հայաստանից ժամանած մեծաքանակ ուսանողների խումբ։ Այս տարվա Ֆրանկոֆոնիայի ամառային համալսարանի մասնակիցները ստացել են «Շառլ Ազնավուրի տարվա» շրջանավարտների վկայականներ։

Հուլիսի 9-ին Ֆրանկոֆոնիայի ամառային համալսարանի Հայաստանը ներկայացնող մասնակիցները նաև հյուրընկալվել են Ռումինիայում ՀՀ դեսպանությունում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր