Կայացել է դեսպան Տիգրան Գալստյանի հանդիպումը Ռումինիայի ֆինանսների նախարար Մարչել Իոան Բոլոշի հետ

29 մայիսի, 2024

Մայիսի 29-ին կայացել է Ռումինիայում ՀՀ դեսպան Տիգրան Գալստյանի հանդիպումը Ռումինիայի ֆինանսների նախարար Մարչել Իոան Բոլոշի հետ։

Հանդիպմանը քննարկվել են Հայաստանի և Ռումինիայի միջև տնտեսական հարաբերությունների ակտիվացմանը զուգահեռ, ֆինանսաբանկային, հարկային և մաքսային ոլորտի գերատեսչությունների համագործակցության հեռանկարները` կարևորելով երկկողմ հետաքրքրություն ներկայացնող ոլորտներում փորձի փոխանակումը։

Զրուցակիցներն անդրադարձել են հանրային ֆինանսների կառավարման ռազմավարության և Հայաստան֊ԵՄ գործընկերության շրջանակներում երկկողմ փոխգործակցությանն առնչվող հարցերին, ինչպես նաև մտքեր փոխանակել երկու երկրների ներդրումային միջավայրերի վերաբերյալ։

Երկուստեք ընդգծվել է արդյունավետ և կառուցողական փոխգործակցություն հաստատելու կարևորությունը և հայտնվել այդ ուղղությամբ հավելյալ ջանքեր գործադրելու պատրաստակամություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր