Ռումինիայում️ ՀՀ ️արտակարգ և լիազոր դեսպան Սերգեյ Մինասյանը հեռավար հանդիպում ունեցավ Ռումինիայի ՄԱԿ-ի երիտասարդական միության/ UNYouthRomania ներկայացուցիչների հետ

24 մարտի, 2021

Մարտի 24-ին Ռումինիայում️ ՀՀ ️արտակարգ և լիազոր դեսպան Սերգեյ Մինասյանը հեռավար հանդիպում ունեցավ Ռումինիայի ՄԱԿ-ի երիտասարդական միության/ UNYouthRomania ներկայացուցիչների հետ:

Հանդիպման ընթացքում դեսպան Մինասյանը ներկայացրեց դիվանագիտական աշխատանքի առանձնահատկությունները, առկա մարտահրավերները, ՀՀ դեսպանության ծրագրերն ու խնդիրները, ինչպես նաև երկկողմ և բազմակողմ գործունեությունը՝ շեշտելով, որ այս տարի նշվելու է Հայաստան-Ռումիանիա դիվանագիտական հարաբերությունների հաստատման 30-ամյա հոբելյանը:

Դեսպանը հատուկ անդրադարձավ Հայաստանի արտաքին քաղաքականության գերակայություններին՝ ներառյալ ՀՀ-ԵՄ️ հարաբերությունները: Դեսպան Մինասյանը հանգամանալիորեն ներկայացրեց Լեռնային Ղարաբաղի դեմ Թուրքիայի աջակցությամբ Ադրբեջանի իրականացրած ագրեսիայի հետևանքները, ստեղծված հումանիտար ճգնաժամը, խնդրի առնչությամբ գլոբալ ու տարածաշրջանային դերակատարների դիրքորոշումները, բանակցային գործընթացի շարունակության անհրաժեշտությունը՝ ԵԱՀԿ Մինսկի խմբի համանախագահների գործունեության շրջանակներում:

Մասնակիցների խնդրանքով՝ դեսպանը նաև ներկայացրեց Հայոց Ցեղասպանության վերաբերյալ Հայաստանի մոտեցումները, Հայաստան-Սփյուռք հարաբերությունների, այդ թվում և ռումինահայ համայնքի կարևորությունն ու նշանակությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր