Ռումինիայում ՀՀ դեսպան Սերգեյ Մինասյանը հեռավար ZOOM հարթակում մասնկացեց Ռումինիայում Ֆրանկոֆոն երկրների դեսպանությունների, ներկայացուցչությունների և ինստիտուտների խմբի (GADIF) հանդիպմանը

18 մարտի, 2021

Մարտի 18-ին Ռումինիայում ՀՀ դեսպան Սերգեյ Մինասյանը հեռավար ZOOM հարթակում մասնկացեց Ռումինիայում Ֆրանկոֆոն երկրների դեսպանությունների, ներկայացուցչությունների և ինստիտուտների խմբի (GADIF) հանդիպմանը, որը նվիրված էր Ֆրանկոֆոնիայի միջազգային կազմակերպության հիմնադրման 51-րդ տարեդարձին:

Միջոցառումը մեկնարկեց GADIF-ի նախագահ, Ռումինիայում Լիբանանի դեսպան Ռանա Մոքադդեմի ողջույնի խոսքով, այնուհետև ելույթներով հանդես եկան Ռումինիայի ԱԳ նախարար Բոգդան Աուրեսկուն, Մշակույթի, պաշտամունքների և ազգային փոքրամասնությունների հարցերով Ռումինիայի նախագահի խորհրդական Սերջիու Նիստորը, Ֆրանկոֆոնիայի խորհրդարանական վեհաժողովում Ռումինիայի խորհրդարանի պատվիրակության նախագահ Ֆլորին Ալեքսանդրու Ալեքսը և ՖՄԿ Կենտրոնական և Արևելյան Եվրոպայի երկրների տարածաշրջանային գրասենյակի (BRECO) տնօրեն Էրիկ Պոպպեն:

Ռումինիայի ԱԳ նախարար Բոգդան Աուրեսկուն իր խոսքում ողջունեց ԱԳՆ և GADIF-ի արդյունավետ համագործակցությունը` նշելով ռումինացի դիվանագետների ակտիվ և մշտական ներգրավվածությունը Ֆրանկոֆոնիայի զարգացման գործում: Միևնույն ժամանակ, Ռումինիայի ԱԳ նախարարը հիշատակեց կրթական երկլեզու կամ ամբողջովին ֆրանսերեն տպավորիչ նախաձեռնությունը՝ Ռումինիայի կրթության բոլոր մակարդակներում, կամ ֆրանկոֆոն տարածքում հետկոնֆլիկտային կայունացման և վերակառուցման նպատակով խաղաղության հաստատման ջանքերին մասնակցելը:

Հանդիպման մասնակիցներն անդրադարձան ֆրանկոֆոն տարածքում համագործակցության մի շարք հարցերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր