Ռումինիայում ՀՀ դեսպան Սերգեյ Մինասյանը հանդիպել է Ռումինիայի տնտեսության, ձեռներեցուության ու տուրիզմի պետքարտուղար Պաոլ Էնեին:

18 մարտի, 2021

Մարտի 18-ին Ռումինիայում ՀՀ դեսպան Սերգեյ Մինասյանը հանդիպել է Ռումինիայի տնտեսության, ձեռներեցուության ու տուրիզմի պետքարտուղար Պաոլ Էնեին:

Շնորհավորելով պրն Էնեին պետքարտուղարի պաշտոնը ստանձնելու կապակցությամբ՝ դեսպան Մինասյանը հույս հայտնեց, որ համատեղ ջանքերի շնորհիվ հնարավոր կլինի խթանել գործարար շրջանակների և կառույցների միջև համագործակցությունը:

Կողմերն երկուստեք ընդգծեցին երկկողմ տնտեսական համագործակցության ակտիվացման անհրաժեշտությունն ու կարևորությունը` շեշտը դնելով տարվա 2-րդ կեսին Բուխարեստում հայ-ռումինական առևտրատնտեսական և գիտատեխնիկական համագործակցության միջկառավարական հանձնաժողովի հերթական նիստի կազմակերպման վրա: Ձեռք բերվեց պայմանավորվածություն միջկառավարական հանձնաժողովի հերթական նիստի շրջանակներում կազմակերպել գործարար համաժողով:

Զրուցակիցներն անդրադարձան նաև 2021թ. մարտի 1-ից ուժի մեջ մտած ՀՀ-ԵՄ Համապարփակ և ընդլայնված գործընկերության համաձայնագրին, որը լրացուցիչ հնարավորություններ է ստեղծում նոր՝ գործընկերային մակարդակի բարձրացնելու Հայաստանի և Ռումինիայի նաև տնտեսական և առևտրային հարաբերությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր