Ռումինիայում ՀՀ դեսպան Սերգեյ Մինասյանը հանդիպեց ԵԽԽՎ-ում Ռումինիայի Խորհրդարանի պատվիրակության նախագահ Յոնուց Մարիան Ստրոեին/Ionuț-Marian STROE

03 մարտի, 2021

Մարտի 3-ին Ռումինիայում ՀՀ դեսպան Սերգեյ Մինասյանը հանդիպեց ԵԽԽՎ-ում Ռումինիայի Խորհրդարանի պատվիրակության նախագահ Յոնուց Մարիան Ստրոեին/Ionuț-Marian STROE.

Շնորհավորելով պարոն Ստրոեին պաշտոնում վերընտրվելու կապակցությամբ՝ դեսպան Մինասյանը հույս հայտնեց, որ խորհրդարանական մակարդակով հայ-ռումինական համագործակցությունը նոր արդյունքներ կգրանցի ինչպես երկկողմ, այնպես էլ բազմակողմ հարթակներում:

Հանդիպման ընթացքում կողմերը քննարկեցին ԵԽ տարածքում տեղի ունեցող զարգացումները՝ այդ թվում նաև Լեռնային Ղարաբաղի շուրջ ստեղծված իրավիճակը: Դեսպան Մինասյանն անդրադարձավ թուրք-ադրբեջանական ագրեսիայի հետևանքով ստեղծված իրավիճակին և դրա արդյունքում առաջացած հումանիտար ճգնաժամին՝ ներառյալ Ադրբեջանում պահվող հայ ռազմագերիների ու քաղաքացիական անձանց վերադարձի, հայկական կրոնական ու մշակութային ժառանգության պահպանման անհրաժեշտությանը:

Զրուցակիցներն երկուստեք ընդգծեցին, որ հայ-ռումինական բազմաշերտ հարաբերությունների համար կարևոր լրացուցիչ խթան է հանդիսանալու ս.թ. մարտի 1-ին ուժի մեջ մտած ՀՀ-ԵՄ միջև Համապարփակ և ընդլայնված գործընկերության համաձայնագիրը:

Կարևորվեց նաև ռումինահայ համայնքի արժեքավոր դերակատարությունն երկու բարեկամ երկրների միջև հարաբերությունների հետագա զարգացման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր