Ռումինիայում️ Իրանի️ Իսլամական Հանրապետության նորանշանակ դեսպան Սեյեդ Հոսսեին Սադաթ Մեյդանին (Seyed Hossein Sadat Meidani) քաղաքավարության այց կատարեց Ռումինիայում ՀՀ դեսպան Սերգեյ Մինասյանին

22 փետրվարի, 2021

Փետրվարի 22-ին Ռումինիայում️ Իրանի️ Իսլամական Հանրապետության նորանշանակ դեսպան Սեյեդ Հոսսեին Սադաթ Մեյդանին (Seyed Hossein Sadat Meidani) քաղաքավարության այց կատարեց Ռումինիայում ՀՀ դեսպան Սերգեյ Մինասյանին:

Գոհունակությամբ նշելով երկու ժողովուրդների միջմշակութային երկխոսության և երկու երկրների բարիդրացիական հարաբերությունների բարձր մակարդակը` կողմերն երկուստեք ընդգծեցին, որ այն տարբեր կրոնների ու քաղաքակրթությունների՝ կողք կողքի ապրելու լավագույն օրինակն է:

Զրուցակիցները մտքեր փոխանակեցին Ռումինիայում իրենց առաքելությունների կողմից իրականացվող աշխատանքների, ինչպես նաև ՀՀ-Ռումինիա և ԻԻՀ-Ռումինիա հարաբերությունների վերաբերյալ:

Անդրադարձ կատարվեց ինչպես հարավկովկասյան տարածաշրջանի վերջին իրադարձություններին, այնպես էլ հումանիտար աղետի հետևանքների հակազդման ու չեզոքացման խնդիրներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր